www.guruthakur.in
  • Search
  • Menu
  • Twitter
  • Facebook

Dav Ishquacha Ardhyat

Dav Ishquacha Ardhyat

लागट भारी भिर्भीरणारी नजर करते गुन्हा
कशी मी राखू रुपाचा ऐवज ढळतोय पदर पुन्हा
आडुन आडुन लागट बोलुन मला हो खुणावु नका
अंगआंगी या जनु ज्वानीचा मेघ झरे सारखा
रात भिडेनं जाइल वाया भिडेत गोवु नका
डाव इश्काचा अर्ध्यात राया असा सोडुन जाउ नका

जीव जाळू नका दूर राहू नका उगा नजर टाळू नका
आता दाजी उगा वेळ काढू नका रंग रातीचा जाइल फुका
डाव इश्काचा अर्ध्यात राया हिचा सोडुन जाउ नका

रात नेसली ज्वानीचा शालू तिला आवर कसा मी घालू
त्यात मोकाट मदन वारा असा माझं काळिज लागलय डोलू
तोल सुटावा अशा क्षणीया तुम्ही मला सावरा
जरा धिटाइ करा की घाइ रात सरे झरझरा
फुले शहारा नभी इशारा चंद्राचा ओळखा
डाव इश्काचा अर्ध्यात राया असा सोडुन जाउ नका

येण्या आधीच जाण्याची घाइ लै दिसात एकांत न्हाई
उगा अंगार लावुन जाउ नका डोळा डोळ्याला लागत न्हाइ
हाल जिवाचं धनी तुमाला कळायचं हो कवा?
कशी मी देउ सांगा त्याला रोज बहाणा नवा
कुठवर सोसु कळ इश्काची छळतोया गारवा…
डाव इश्काचा अर्ध्यात राया असा सोडुन जाउ नका

Ghuma Wah Taj
© Copyright - www.guruthakur.in[nolink] | Powered by: Mastrait
Scroll to top
WP-Backgrounds Lite by InoPlugs Web Design and Juwelier Schönmann 1010 Wien