विरले नाते केव्हा कसे जीवना
चुकण्या आधी कळले कसे ना कुणा
धूसर झाले का ते
क्षण गुलाबाचे सारे
दिवस भासांचे नी
अधिर स्पर्शाचे कारे
विझून गेले ते
बहर आशेचे
स्वप्ने..गेली..हरवुन का…
वचने..वेडी..मुठीत रित्या

अंतरा – १
अाहे अजूनी जरी हात हाती
निसटून गेले काहीतरी
का कोण जाणे अंधारले
हे जाणीवांच्या वाटेवरी
मृगजळा परि आता
संवाद झाले
धुमसते मन रिते
तरीही सावरेना
विरले नाते केव्हा कसे जीवना
चुकण्या आधी कळले कसे ना कुणा

अंतरा – २
दाटून येते आतून काही
गोठून जाते अर्ध्यावरी
का सापडेना शोधूनही
जो बंध होता जन्मांतरी
हरवले सूर कुठे
अलवार सारे
उसवली वीण कधी
सुटली गाठ केव्हा
विरले नाते केव्हा कसे जीवना
चुकण्या आधी कळले कसे ना कुणा