Rangankit

रंगांकित

भेटीलागी आले।
रंगांचे सोयरे।
म्हणती कायरे।
रंग तुझा।।

वदलो बा माझी ।
पाण्याचीच जात।
भेटल्या रंगात।
मिसळतो।।

हरखले सारे।
झाली गळाभेट।
गेला रंगभेद।
विरोनिया।।

जाहलो त्या क्षणी।
साऱ्यांचा सोयरा।
रंगी रंग सारा ।
एक झाला।।

– गुरु ठाकूर

7 replies
  1. शिरीन कुलकर्णी
    शिरीन कुलकर्णी says:

    तू साऱ्यांचा सोयरा आहेस, हे तुझे सामान्यत्व तुला उंच घेऊन जाते. व्यक्तीकडून समष्टीकडे जाणे जेव्हा जमते, तेव्हा अनुभव वेगळी उंची गाठतो. हे तुझं असामान्यत्व !

    Reply
    • Guru Thakur
      Guru Thakur says:

      धन्यवाद! सामान्य राहिलं की रिकाम्या झोळीने अनुभव वेचता येतात. त्यामुळे सामन्यत्व जपणं मोलाचं आहे.

      Reply
  2. गायत्री गाळवणकर
    गायत्री गाळवणकर says:

    धन्य…. संत गुरूनाथ ठाकूर महाराज…!!! असेच म्हणावेसे वाटतेय. अप्रतिम….!!!

    Reply
    • Guru Thakur
      Guru Thakur says:

      ???
      संत, महाराज म्हणावंसं वाटतंय तिथेच थांबा. कृपया म्हणू नका. एक सामान्य माणूस आहे मी आणि तसंच राहण्यात आनंद मानतो.

      Reply
  3. Dr namita nikade
    Dr namita nikade says:

    किती छान ?… जो सण वर्णभेद जातीभेद विसरण्याचा सल्ला वर्षानुवर्ष देत आहे, जो वेगवेगळ्या भावनांची माणसे रंगवतो..अश्या सणाचे मार्मिक वर्णन त्यांच्या लेखणीच्या रंगातून, ज्यांची लिखाणाची सुरुवातच रंगांपासून झाली आहे….
    होळीच्या अणि रंगपंचमीच्या खूप खूप शुभेच्छा.. तुमच्या आयुष्यात अणि लेखणीत रंगांची उधळण कायम व्हावी.. हे रंग कधीच फिके पडू नयेत, हीच सदिच्छा.

    Reply
    • Guru Thakur
      Guru Thakur says:

      धन्यवाद!
      आपल्या सारख्या चाहत्यांचे प्रेम, प्रतिक्रिया, सदिच्छा आणि सकारात्मक टिका सतत मिळत राहो ही अपेक्षा.

      Reply

Leave a Reply

Want to join the discussion?
Feel free to contribute!

Leave a Reply

Your email address will not be published.

*