देवाक काळजी रे

होणारा होतंला जाणारा जातंला
मागे तू फिरू नको
उगाच सांडून खऱ्याची संगत
खोट्याची धरू नको
येईल दिवस तुझा हि माणसा
जिगर सोडू नको
तुझ्या हाती आहे डाव सारा
इसार गजाल कालची रे
देवाक काळजी रे
माझ्या देवाक काळजी रे

सोबती रे तू तुझाच
अन तुला तुझीच साथ
शोधूनि तुझी तू वाट चाल एकला
होऊ दे जरा उशीर
सोडतोस का रे धीर
रात संपता पहाट होई रे पुन्हा
देवाक काळजी रे ,माझ्या देवाक काळजी रे

अंतरा – १
फाटक्या झोळीत येऊन पडते
रोजची नवी निराशा
सपान गाठीला धरत वेठीला
कशी रं सुटावी आशा
अवसेची रात नशिबाला
पुनवेची आस पदराला
होईल पुनव मनाशी जागव
खचून जाऊ नको
येईल मुठीत तुझ्याही आभाळ
माघार घेऊ नको
उगाच भयाण वादळ वाऱ्याच्या
पाऊल रोखू नको
साद घाली दिस उद्याचा नव्याने
इसार गजाल कालची रे
देवाक काळजी रे
माझ्या देवाक काळजी रे

(इसार – विसर , गजाल – गोष्ट)