Pinjaraa

पिंजरा…

फुगत चाल्लंय आता शहर
पळतापळता घालतंय धाप
भिजत नाही रुजत नाही
सुजत चाल्लंय वारे माप

चाळीमधल्या बिऱ्हाडातून
गगनचुंबी खुराड्यातून
पक्षी भिन्न, भाव तोच
ठुसठुसणारा घाव तोच
पिंजऱ्याआड फडफडताना
स्वप्नामधला गाव तोच

आभाळाचा निळा तुकडा
खिडकीमधून देतो साद
तहान, भूक, सूख मिळून
हळवा कोपरा करतात बाद

कोंडत जातो इथे श्वास
सोडवत नाही तरी कास
घुसमट सारी कुलूपबंद
कारण पिंजरा देतो घास

म्हणून घाम गाळत मुकाट
शहर रोज कण्हत रहातं
कुढत पिचत वणवा वेचत
हिरवी स्वप्न विणत रहातं

– गुरु ठाकूर

16 replies
  1. Kasturi Shinde
    Kasturi Shinde says:

    Eka atyant hushaar ani jyachya dokyavar saraswaticha haat ahe tya multitalented GURU la mi kay vegla comment karnar… As usual ur work is awesome …

    Reply
  2. Sachin
    Sachin says:

    Sundar… kavite madhun tu ek prawaas ghadavtos.. shaharaateel maansaachi zaaleli ghusmat, tyaatun chaar bhinteet rahanyaachi zaaleli saway, tyaachyashi pinjryaat raahanaarya pakshyaachi keleli tulanaa aani akher pratikool vastusthiti sweekarun punha shahar aashawaadi vhaayla shiku laagta…

    Reply
  3. मिलिंद गणपुले
    मिलिंद गणपुले says:

    अप्रतिम।
    कविता जशी जशी शेवटाकडे आली घुसमत वाढली। श्वास कमी पडतोय असं वाटायला लागलं।
    पिंजरा देतो घास तर निव्वळ class apart.
    गुरु तुम्ही खरोखरच ‘गुरु’ आहात

    Reply
  4. इंद्रायणी पंडित
    इंद्रायणी पंडित says:

    पिंजरा देतो घास….खूप छान व्यक्त केलीय घुसमट!माणसांची भूक अमर्याद, कोणाकडे करायची फिर्याद?

    Reply
  5. Shilpa
    Shilpa says:

    Farach chhan…kiti realistic lihilay…me and my husband both like your poetry. Pratyek olila khup chhan artha asto….you are the most talented lyricist. Please show your work to the world and get recognized.

    Happy writing.
    Shilpa Mulay

    Reply
  6. VASANT KULKARNI
    VASANT KULKARNI says:

    aptly you said it Human values, also ,day by day, are diminishing .By Night , All the cities look alike , be it Mumbai , Pune or New Delhi. khedytali hava bagha shuddha , pani pan shuddha ani manase pan bagha nirmal .six seater chya pravasat suddha , driver chya donhi bajula don pravasi, ani mage char, sarvat shevati don, bharale ki to driver khush .six seater cha pravas sudhdha angavar kanta ananara!!!!.

    Reply

Leave a Reply

Want to join the discussion?
Feel free to contribute!

Leave a Reply

Your email address will not be published.

*