ज्याची कीर्ती कानी येता
अशी फुलून येते छाती
त्याची मर्दुमकी ऐकता
गहिवरते माय मराठी
ज्याचे ओठांवरती नाव उमटता होतो ताठ कणा
तो राजा होता रयतेचा ज्याने दिला मराठी बाणा
जय जय जय शिवराय म्हणा

ज्याचे निशाण मिरवत राही
त्यागाचा भगवा रंग
त्या शिवतेजाची अवघ्या
इतिहासाला चढते झिंग
त्या पराक्रमाची गाथा आम्हीं गाऊ पुन्हापुन्हा
तो राजा होता रयतेचा ज्याने दिला मराठी बाणा
जय जय जय शिवराय म्हणा