तुझ्या सोबतीचे

तुझ्या सोबतीचे ऋतू जीवघेणे
मिळे ओंजळी ला जसे चांदणे
जरी थांबवावे तरी होत जाते
मनाचे मनाशी किती बोलणे

निराळीच काही तुझी भूल आहे
धुके प्यायल्या रानवाटा जशा
जसे गुंफले सांजवाऱ्या मधूनी
जुई मोगऱ्याचेही गंधाळणे
जरी थांबवावे तरी होत जाते
मनाचे मनाशी किती बोलणे

कसे कोण जाणे उमगलेच नाही
शहारुन आल्या अशा जाणिवा
नव्याशा हव्याशा अशा वागण्याची
मला मीच द्यावी किती कारणे
जरी थांबवावे तरी होत जाते
मनाचे मनाशी किती बोलणे