प्रवास (गायिका – श्रेया घोषाल)

मनासारखा ऋतू बदलतो
वसंत फुलतो जणू शिशीरात
वळणानंतर गवसून जाते
हवीहवीशी अनवट वाट
प्रवास प्रवास प्रवास

गोड गुपित हे जगण्यामधले
वळणावरती उलगडते
सावरणारी सोबत असता
जीवनगाणे दरवळते
सूर ही उमलतो सुखाचा
हाती हात हलके मिसळता
प्रवास प्रवास प्रवास

जुळून येती नवे तराणे
रंग नवे भरती जगण्यात
विरुन जाती विवंचनाही
सदैव जेव्हा असतो ध्यास
प्रवास प्रवास प्रवास

-गुरू ठाकूर